TANDO PROIEKTUA

TANDO proiektua Euskadi hizkuntza-teknologien arloan erreferentzia-puntu gisa finkatzen laguntzeko ikerketa-proiektu modura planteatzen da.

Hau da proiektuaren helburu nagusia:

Testuinguruko koherentzia mantentzen duen itzulpen automatiko neuronaleko sistemak ikertzea, garatzea eta baliozkotzea

Proiektuaren helburu nagusia helburu zientifiko-teknologiko hauetan banatuta dago:

1. Itzulpenaren kalitate orokorra eta koherentzia nabarmen hobetzeko itzulpen neuronaleko arkitektura eta algoritmoak ikertu eta garatzea
2. Testuinguru-informazioaren prozesamendua barne hartzen duten kalitate handiko itzulpen automatiko neuronaleko sistema aurreratuak sortzea
3. Euskara-gaztelania eta euskara-frantsesa testu orokorren itzulpen koherentea garatzeko eta baliozkotzeko datu-multzoak sortzea eta prestatzea
4. Garatutako sistemen ebaluazioa, automatikoa eta eskuzkoa.

Era berean, helburu hauek ezarri dira proiektuaren irismenari eta inpaktuari dagokienez:

1. Euskara-gaztelania eta euskara-frantsesa bikoteetarako koherentzia tratatzen duen sistema generikoentzako kasu pilotu bat zehaztea.
2. Itzulpen automatiko neuronaleko prototipo aurreratuak baliozkotzea egokigarritasunari eta zehaztasunari dagokienez, eta artearen egoerarekin konparatuz.
3. Proiektuaren emaitzen zabalkunde akademikoa nazioarteko konferentzietan.
4. Emaitzak industriara transferitzea eta ustiapen komertzialerako aukerak aztertzea.

Helburu horiek lortzeko, partzuergo indartsu bat du atzean TANDOk, esperientzia handia duena hizkuntza-teknologietan eta erreferentzia bihurtu nahi duena arlo horretan. Proiektu estrategikoa da parte hartzen duten erakunde guztientzat eta Eiken, MondragonLingua, Eleka, EITB eta Argiarentzat.